Меравам хаставу афсурдаву зор...
Фурӯғи Фаррухзод

Хастаам, хаставу афсурдаву зор,
Хабари ёр наовард баҳор.

Бевафо ҳаст баҳорон, оре,
Ки хабар несташ аз хешу табор.

Гул қатор аст баҳорону маро
Нест дар дида ба ҷуз ашки қатор.

Натавонад, ки кунад бо ҳама сеҳр
Ҷомаи зарди маро сабз баҳор.

Бесамари буд зи бас ишқи дилам,
Гули баҳтам накунад ханда нисор.

Робиа, пеши Худо зорӣ кун,
Ки баҳорат диҳаду хандаи ёр!