баҳисобгирии андоз ба афзоиши хароҷоти таҳияи ҳисоботи андоз боис мешавад. Хароҷоти таҳияи ҳисоботи андозро бо роҳи ташаккули нишондиҳандаҳои он дар асоси маълумоти баҳисобгирии муҳосибӣ, ки мувофиқи қоидаҳои қонунгузории андоз тасҳеҳ ёфтааст, коҳиш додан мумкин аст.

Чор шакли асосии ҳисоботи молиявӣ вуҷуд дорад:

1. Тавозуни муҳосибӣ дороиҳо ва уҳдадориҳои ширкатро бо ифодаи пулӣ гурӯҳбандӣ мекунад.

2. Ҳисоб оид ба фоида ва зарарҳо маълумот дар бораи даромадҳо, хароҷот ва натиҷаҳои молиявиро дар ҷамъи афзояндаи он аз оғози сол то санаи ҳисоботӣ дар бар мегирад.

3. Ҳисобот оид ба тағйирёбии сармоя маълумот дар бораи ҳаракати сармояи оинномавӣ, сармояи захира, сармояи иловагӣ, инчунин маълумотро дар бораи ҳаҷми фоидаи тақсимнашуда (зарари талофинашуда)-и ташкилот инъикос менамояд.

4. Ҳисобот оид ба ҳаракати воситаҳои пулӣ фарқи байни воридшавӣ ва содироти воситаҳои пулиро дар даври муайяни ҳисоботӣ нишон медиҳад.

Тавозуни муҳосибӣ

Тавозуни муҳосибӣ ҳуҷҷати ҳисоботӣ буда, аз номгӯи захираҳои корхона (дороиҳо) ва манбаъҳои пайдоиши онҳо (уҳдадориҳо) иборат аст. Маълумот бо ифодаи арзишӣ барои санаи муайяни ҳисоботӣ оварда мешаванд. Сохтори тавозун дар расми 4.1 тасвир ёфтааст.

ДОРОИҲО

І. Дороиҳои
ғайригардон
(доимӣ)

ІІ. Дороиҳои
гардон
(ҷорӣ)

УҲДАДОРИҲО

III. Сармоя ва захираҳо
(сармояи худӣ, воситаҳои
худӣ)

IV. Уҳдадориҳои
дарозмуддат

V. Уҳдадориҳои
кӯтоҳмуддат (уҳдадориҳои
ҷорӣ)

СГ – сармояи гузошташуда
ССГ – сармояи софи гардон
СК – сармояи қарзӣ
СХ – сармояи худӣ

Расми 4.1. Сохтори тавозуни муҳосибӣ (бухгалтерӣ)