• ошкор намудани омилу сабабҳои вазъи бадастомада ва натиҷаҳои ҳосилшуда;
• омодасозӣ ва асосноккунии қарорҳои идории қабулшаванда дар соҳаи молия;
• ошкор намудан ва ба кор андохтани захираҳои беҳсозии вазъи молиявӣ ва натиҷаҳои молиявӣ, афзоиши самараи фаъолияти хоҷагӣ.
Таҳлили молиявиро ба намудҳои зерин ҷудо намудан мумкин аст:

1. Аз рӯи манбаи иттилоот:

• таҳлили молиявии дохилӣ – таҳлили молиявиро кормандони корхона мегузаронанд;
• таҳлили молиявии берунӣ – таҳлили молиявиро шахсоне мегузаронанд, ки дар корхона кор намекунанд.

2. Аз рӯи самти таҳлил:

• таҳлили таърихӣ – таҳлили иттилооти молиявии гузашта;
• таҳлили оянда – таҳлили нақшаву пешгӯиҳои молиявӣ.

3. Аз рӯи тафсил:

• таҳлили зуданҷом – гузаронидани таҳлил аз рӯи нишондиҳандаҳои асосии молиявӣ;
• таҳлили муфассали молиявӣ – аз рӯи тамоми нишондиҳандаҳо гузаронида шуда, тавсифи пурраи корхонаро медиҳад.

4. Аз рӯи хусусияти баргузорӣ:

• таҳлили ҳисоботи молиявӣ – таҳлил аз рӯи маълумоти муҳосибот;
• таҳлили сармоягузорӣ – таҳлили сармоягузорӣ ва маблағгузориҳои каппаталӣ;
• таҳлили техникӣ – таҳлили ҷадвали нархи коғазҳои қиматноки ширкат;
• таҳлили махсус – таҳлил бо супориши махсус.
  Самтҳои баргузории таҳлили молиявиро ба 3 қисм ҷудо кардан мумкин аст:

1. натиҷаҳои молиявии фаъолияти корхона бо ҳолати тағйирёбӣ, фаъолнокии кории он; 2) вазъи молиявӣ (серхаридорӣ ва қобилияти пардохткунӣ)-и корхона ва устувории молиявии он; 3) таҳлили молиявии захираву соҳаҳои воситаҳои молиявӣ.