хароҷоти мустақим (тағйирёбанда) нисбат додан мумкин аст, таҳия карда мешавад.

Буҷетҳои ёрӣрасон:

1. Нақшаи хароҷоти сармоявӣ (нақшаи сармоягузорӣ) — ба давраҳои буҷетӣ тақсим гардидани захираҳои молиявиеро нишон медиҳад, ки роҳбарон ё сармоягузорони ташкилот барои бизнес-нақшаи пешниҳодишуда (ҷадвали пардохти хароҷоти ибтидоии бизнеси нав), барои ташкил ва таъсиси бизнеси нав, ба сифати асосноккунии қарзҳо ва сармоягузориҳои дархостшуда, дигар захираҳои молиявии берунӣ ҷудо мекунанд. Дар ин ҳуҷҷат тақсимоти сармоягузориҳо, дигар хароҷоти ибтидоӣ (иҷозатнома, рекламаи ибтидоӣ, сертификатсия, барасмиятдарории ҳуҷҷатҳои дигари иҷозатдиҳанда) ҳам аз рӯи моддаҳои хароҷот ва ҳам барои моҳу даҳрӯзҳои давраи буҷет нишон дода шудаанд;
2. Нақшаи қарзӣ – маълумот дар бораи қарзу сармоягузориҳо, ки ба ташкилот барои давраи ояндаи буҷетӣ лозиманд, бо нишон додани ҳаҷму шартҳои гирифтан, пардохти фоизҳо, тартиби баргардондани онҳо ва ғайра дар бар мегирад.
3. Буҷети тақсими фондӣ;
4. Буҷетҳои лоиҳаву барномаҳои алоҳида;
5. Буҷети андозҳо.

Модели буҷетӣ ин маҷмӯи се буҷети асосии ба ҳам алоқаманди ташкилот ҳамроҳ бо маҷмӯи буҷетҳои амалиётӣ ва ёрӣрасон мебошад, ки барои таҳияи он заруранд.

Тақвими хароҷот барои ҳалли вазифаҳои асосии зерин имкон медиҳад:

• ҷамъбаст намудани вариантҳои пешгӯишавандаи воридоту хароҷоти воситаҳои пулӣ (вариантҳои «хушбинона», «воқеъбинона», «нохушбинона»), дар як супориши воқеии оид ба ташаккули ҳаракати пули корхона дар муддати як моҳ;
• ба дараҷаи ҳадди аксар ҳамнаво кардани селаи мусбат ва манфии воситаҳои пулӣ ва бо ҳамин афзудани самараи гардиши пули корхона;
• таъмини афзалиятнокии пардохтҳои корхона аз рӯи мизони таъсири онҳо ба натиҷаҳои ниҳоии фаъолияти молиявӣ;
• ба дараҷаи бештар таъмин намудани бозоргирии мутлақи лозимаи селаи пулии корхона, яъне пардохтпазирии он дар чорчӯбаи давраи кӯтоҳмуддат;