на рӯди Фурот бо маҷрои орому пули бузургаш чун пештара ӯро мафтун намекард. Шоҳдухтар дар ёди мулки сабзу хуррами падар, қадамгоҳи пур аз кӯҳу дара ва долу дарахти ориёиҳо, соҳили атрбези дарёи Ому ва ҷӯшу хурӯши мавҷҳои он чун моҳии бар хушкӣ фитодае метапид.

Чанде пас шоҳи Бобул аз дунё гузашт ва ба ҷои ӯ писараш шоҳзода Навухудоносор ба тахти шоҳӣ нишаст. Ва бунёди мӯъҷизаи дигари Бобул - Боғи Муаллак дар баробари навсозии шаҳр ва таъмиру тармими Манораи Этеменанки оғоз ёфт. Мувофиқи ахбори Ҳеродот ва муаррихи бобулӣ Берос, ки дар асри III то милод зистааст, ин боғ дар шафати қасри Навухудоносор дар болои кӯҳтеппаи сунъие, ки аз санг чида буданд, бунёд