ва манзили одамони ҳунарманду санъатдӯст мебошад. Мардуми меҳмоннавозанд ин ҷо. Таомҳои болаззат пухта анъана, расму русуми аҷдодиро то ҳол зинда медоранд. Шояд хумори кӯҳистон, ин гӯшаи аҷдодӣ аст, ки акаи Маҳкам ҳар дафъа дар зодгоҳаш худро хушбахт мебинад. Бо пайроҳаи шинос қадам зада шукри умри босамари гузарондааш мекунад.

Ӯ чанд рӯзе, ки дар деҳа мемонад, таронаву оҳанги ошноро мешунавад, дилпур мегардад, ки дар деҳа чароғи бобой ҳамеша фурӯзон асту ҳаёт идома дорад. Ин анъанаҳои муқаддас боз ҳазорсолаҳо боқӣ монда аз насл ба насл хоҳанд гузашт.

Хоҳӣ, ки ҳамеша шоду хуррам бошӣ,
Ҳар ҷо, ки равӣ, азизу маҳрам бошӣ,
Покиза шаву рост бизӣ, илм омӯз,
То тоҷи наберагони одам бошӣ.

• Акаи Маҳкам дар участкаи Рабий, ки ба хоҷагии ҷангал дохил аст, бо шогирдаш Амрулло атрофро аз назар гузаронд. Устод сарҷангалпарвару шогирд муҳандиси хоҷагии ҷангал. Ӯ ба муомила, рафтору муносибати шогирдаш зеҳн монда аз дил гузаронд:

• Шукр, ки аллакай мутахассиси хуб шудааст. Оянда, баъди нафақа баромаданам, албатта