---

Нагуфта надорад касе бо ту кор,
Валекин чу гуфтӣ, далелаш биёр.

---

Ё магў, он чи менахоҳӣ кард,
Ё вафо кун бад-он чи мегўӣ!

---

Як забон ту дорӣ ду гўш,
Як бигў, дуто бинйўш!

---

Забони сурх сари сабз медиҳад барбод,
Баҳуш бош, ки сар дар сари забон накунӣ!

---

Дил зи пур гуфтан бимирад дар бадан,
Гарчи гуфтораш бувад дурри Адан.

---

Оқилонро пеша хомўшӣ бувад,
Пешаи ҷоҳил фаромўшӣ бувад.

---

Забони покро, ҳайф аст бисёр,
Ки аз лафзи дурўғ олуда созӣ.

---

Ҳар киро гуфтори вай бисёр шуд,
Дил даруни синааш бемор шуд.

---

Сухандонон, сухан пўшида гўед,
Ба рўи ҳамдигар санҷида гўед!

---

Фахр дар дониш бувад мар мардро,
Фахру дониш ҳар ду дар хомўшӣ аст.

---

На тўтӣ бош, ки гуфтаи дигаронро такрор кунӣ ва на
булбул бош, ки гуфтаи худро ба ҳадар диҳӣ.

---

Агар пушаймон бошӣ аз нагуфтан, беҳ, ки пушаймон
бошӣ аз гуфтан.