Наӣ он, бигӯ ин шабаҳ кист, эй дӯст?
Набудӣ чунин ту, куҷои ҳамин ту?
Чунин омаданҳо зи ту нест, эй дӯст.
Туро ҷони ҷонон, будам сахт пазмон,
Сазоям чунин бенамудист, эй дӯст?
Кӣ буду кӣ гуфтат, ки бо ман ситезӣ,
Надонӣ магар ин ҳасудист, эй дӯст.
Алайкум нагӯям ба ассоми тундат,
Алайкам ҳамоно суҷудист, эй дӯст.
Ту, эй хеши Ҳурмуз, машав ҳеҷ Ҳурмос,
Ки Ҳурмос гаштан на ҷудест, эй дӯст.
Саломат агарчӣ яҳудист, эй дӯст,
Ҷавобам бароят суҷудист, эй дӯст.
августи 2005

ТУРО, ЭЙ ҲАМФАРОЗИ МАН
Туро, эй баччаи Помир, умре дӯст медорам,
Туро, эй чобуку нахчир, умре дӯст медорам.
Туро, ҳарчанд гаштам пир, умре дӯст медорам,
Туро, ҳарчанд гаштӣ пир, умре дӯст медорам.
Туро эй ҳамнамози ман, туро, эй ҳамфарози ман,
Туро, тафсири бетафсир, умре дӯст медорам.
Туро, эй ҳамзабони ман, туро эй ними чони ман,
Туро, эй шамси ахтаргир, умре дӯст медорам.
Басо таҳрир дидам ҳам, ҳамоно нуқсҳо дорам,
Туро, эй марди бетаҳрир, умре дӯст медорам.
Чи ишқи бемаҳал гӯям, чи ҳарфи пурхалал гӯям,
Туро, то дер бетағйир, умре дӯст медорам.
Кӯҳистонӣ, кӯҳистонӣ, кӯҳистонии исёнӣ,