Ишқ омад посбони мо, вале
Посбонро мо ҳаво пиндоштем.

---

Саропои ҷаҳон фарёди ишқ аст,
Фалак гўше барои доди ишқ аст.

---

Дар хона ғавғо то фалак,
Берун ҳама моҳу малак.

---

Тангии даҳонат ҳаваси дони анор аст,
То хурд шавад хуфтаи зиндони анор аст.

---

Он нур, ки меҷўӣ дар синаи ту пинҳон,
Зулмат, ки ҳаметарсӣ дар кинаи ту пинҳон.

---

Ҷаҳон сад бор қисмат мешавад, лек,
Насиби мо ба ҷуз мушту лагад нест?

---

Чу дўзах рў зад аз мағзи таассуб,
Биҳишт андар забони шоирон руст.

---

То меҳр наҷўшад бағали дил накушояд,
Ин баргнавозон хабар аз реша надоранд.

---

Зиндагӣ чун наъраҳои шер шуд,
Фалсафа аз фалсафа дилгир шуд.

---

Аз бало чӣ тарсонӣ чун на аз Худо хезад,
Гар на аз ману аз ту, аз куҷо бало хезад.

---

Эй ҳама олам даруни ҳақ чу гард,
Ҳақ бишав, дигар ба гирди ҳақ магард.

---

Эй монда дар иҳота монанди Тоҷикистон,
Тарсам, ки ҳазм гардӣ чун панди Тоҷикистон.

---

Ба чашмеву абру тавон ҷанг дохт,
Ба ҷон кандан, аммо, тавон сулҳ сохт.

---

Аз гиряи ман хандаи ту тозаву тар шуд,
Ҳайрони гули дил шудаму селпарастиш.

---

Аз худу аз ҷумла берун, дар Худоям андарун,
Дар Худо ҳар кас ки бошад дину дўзах мурдахун.

---

Миллати ман баски сўфимашраб аст,
Ҳарфи савдоӣ барояш мактаб аст.

---

Худоро чу худ чун гадо сохтам,
Биҳишти дарун бар гадо бохтам.

---

Болойии фалакҳо жарфойии ман омад,
Ғарқидан андарунам омад фалаксаворӣ.

---