Дигарон ҷосуси мо, мо низ ҷосуси худем,
То куҷо беҳудасўзи ҷони номуси худем.

---

Замин ҳам нусхабардори фалакҳост,
Чи гулҳо офтобу моҳсимост.

---

Мебарам бори замину осмон,
Боргар гўяд, ки кам бардоштам.

---

Бигардонед занҳоро ба занҳо,
Ки шояд мардҳои мард зоянд.

---

Ҷаҳон хундори худ монад ҳамеша,
Зи худхорӣ гирифта реша пеша.

---

Дар мағзи хок дидӣ пўсидани тамаддун,
Аз мағзи хеш бифкан пўсидаи таассуб.

---

То пайи инкори худӣ зистам,
Ҷуз ба худӣ душмани ҷон нестам.

---

Меҳр! – гуфтам ба ҷаҳон, Ҷаҳл! – ҷавобам доданд,
Гўиё ман ҳама дил, халқи ҷаҳон буд сарам.

---

Ҳарфи ноби зиндаи дил чун бадар шуд аз лабам
Мефитад чун мурдаи садсола дар тобути гўш.

---

Бар хеш саҷда орам гўянд номусулмон,
Бар ғайр саҷда орам гўянд марди имон.

---

Зи расми мурдаи даврони кўҳна,
Сари ман шуд мазористони кўҳна.

---

Чашми кўру танги дунёношинос,
Пора-пора кард дунё чун палос.

---

Замин аз ишқ меҷўшад чу гулхан,
Нигар бар шўълазори боғу гулшан.

---

Чашми шаҳват ҳар чи омад бозтар
Кори ҳис омад ба дунё созтар.

---

Мезанад болову поён чархи маст,
Ишқ дар ҳангомахезии худ аст.

---

Ман таҷрибанодидаи як умри дарозам,
Пистонмаки пандам, ки ба гаҳвораи бозам.

---

Ҳайрати дин бозгашт аз остон,
Ҳайрати ман бишканад ҳафт осмон.

---

Дидему гузаштем ҷаҳонро сари роҳӣ,
Хушбўтар аз ў ғайри ҷавонӣ гули тар нест.

---