Ҳамаи онҳое, ки ба қадри имкон як миқдор моли фирмаро харидорӣ менамоянд мизоҷон (клиентура) номида мешаванд. Дар замони ҳозира фирма бояд дар натиҷаи гузаронидани тадкиқоти доимӣ донад, ки харидорони моли ў киҳоянд. Надонистани харидорони хеш ба натиҷаи дилхоҳ оварда наметавонад.

Ҳар як фирма (корхона) метавонад дар панҷ шакли бозори харидорон иштирок намояд:

1. Бозори истеъмолкунандагон: шахсони алоҳида молҳои гуногунро барои истеъмол ва истифодабарии шахсӣ ё худ оилавӣ хардорӣ мекунанд.

2. Бозори истеҳсолкунандагон: ташкилотҳо ё корхонаҳо молро барои истеҳсоли моли дигар (нав) харидорӣ мекунанд.

3. Бозори фурўшандагони мобайнӣ: шахсони алоҳида ё ташкилотҳо молҳоро барои дар оянда бо нархи баланд ба фоидаи хеш фурўхтан харидорӣ мекунанд.

4. Бозори муассисаҳои давлатӣ: истеҳсолкунандаи молҳо корхонаҳои давлатӣ буда, истифодабарандагони онҳо муассисаҳои давлатӣ мебошанд. Мисол: Яроқ барои қисмҳои ҳарбӣ, сару либоси низомӣ ва ғайраҳо.

5. Бозори байналхалқӣ: молҳои истеҳсоли фирмаи (корхонаи) шумо дар бозорҳои мамлакатҳои хориҷӣ фурўхта мешаванд.

Савол: Аз кадом шакли бозор барои истифодабарии хеш автомобили сабукрав харидан гирифтан мумкин аст?

Ҳар як гурўҳҳое, ки мароқи ҳақиқӣ ё худ потенсиалӣ ба ташкил, ё ки таъсир кардан ба имкониятҳое, ки ба мақсадҳои пешгузошта ноил шаванд пайдо мекунанд мусоҳиба (алоқа) ба гурўҳи харидорони молҳои фирма номида мешавад.

Гурўҳҳои алоқавии фирма (корхона) дар ҳаёти реалӣ ба кўшишҳои ў қуввати иловагӣ зам карда, дар баъзе ҳолатҳо бар зидди ин кўшишҳо амал карда метавонад, ки онҳо аз гурўҳҳои зерин иборатанд:

-гурўҳи алоқавии доираи молиявӣ;

-гурўҳи алоқавии воистаҳои ахбор;

-гурўҳи алоқавии муассисаҳои давлатӣ;

-амалиёти гурўҳи шахсҳо;