Эй, фурӯғи ҳусни моҳ аз рӯи рахшони шумо,
Обрӯи хуби аз чоҳи занахдони шумо
(Ҳофиз).

Вазнаш: фоилотун, фоилотун фоилотун фоилун
— V — — / — V — — / — V — — / — V —
Чанд мисоли дигар:

Баркандагӣ аз нифоқ хезад,
Фирӯзӣ аз иттифоқ хезад.
(Низомӣ).

Вазнаш: мафъӯлу мафоилун фаӯлун
— — V / V — V — / V — —

Ихвон ки зи роҳ оянд, оранд раҳоварде,
Ин қисса раҳовард аст аз баҳри дили ихвон.
(Хоқонӣ).

Вазнаш: мафъӯлу мафоилун, мафъӯлу мафоилун
— — V / V — — — / — — V / V — — —

Аз ғамзаи ту соҳирӣ омӯзаму он гоҳ,
Мӯе шаваму дар ҳами гесӯи ту бошам.
(Ҳилолӣ).

Вазнаш: мафъӯлу мафойлу мафойлу фаӯлун
— — V / V — — V / V — — V / V — —

Ҳатто ҳарфи охирини ҳиҷрои рақами шашум, ки аксар аз тактеъ сокит аст, агар ба садоноки сари калимаи оянда васл шавад, як ҳиҷо ташкил ёфта ба тактеъ дохил мешавад:

Дӯст он беҳ ки айби ёрашро
Ҳамчу оина рӯ ба рӯ гӯяд,
На ки чун шона бо ҳазор забон
Аз қафо рафта мӯ ба мӯ гӯяд.
(Саъдӣ).

Вазнаш: фоилотун мафоилун фаълун ё файлун
— V — — / — — V — / — — —

Даҳрӯза меҳри гардун афсонаест афсун
Некӣ ба чои ёрон фурсат шумор, ёро!
(Ҳофиз).

Вазнаш: мафъӯлу фоилотун мафъӯлу фоилотун
— — V / — V — — / — — V / — V — —

Чист ин сақфи баланди содаи бисёрнакш
З-ин муаммо ҳеҷ доно дар ҷаҳон огоҳ нест.
(Ҳофиз).