Соли 1725 Пётр I ҳангоми ба об сар додани киштӣ шамол мекашад. Дар ҷойгоҳи беморӣ ҳис мекунад, ки паймонааш пур шудааст. Фармон медиҳад, ки барои сабти супориши охирин коғаз оранд. Вай танҳо ба навиштани ду калима фурсат меёбад: «Диҳед ҳамаи...». Император дар хусуси ворисаш васияте накарда, аз олам даргузашт.

Ҷорҷ Вашингтон
(Солҳои зиндагиаш
1732-1799)

Хирад ва иродаи Ҷорҷ Вашингтон, пешвои беназири амалиётҳои ҳарбӣ буданаш, муҳоҷирони амрикоиро дар мубориза баҳри истиқлолият ба ғалаба овард. Ба сифати нахустин президенти ИМА вай ба муттаҳидшавии миллат ва эҳёи мамлакати нав мусоидат намуд.

Ба шарафи Вашингтон пойтахти кишвар, иёлат, кӯл ва ҷазираҳо, кӯҳ ва дара, бисёр мавзеъҳои аҳолинишин, коллеҷу донишгоҳҳо, кӯчаю хиёбонҳо номгузорӣ шудаанд.

Ҷорҷ Вашингтон 22 феврали соли 1732 дар Вирҷиния, ки падараш Августин дар ин ҷо аз мулки граф Вест Морленд замин харида буд, ба дунё омад. Модараш Мэри зани дуюми Августин ба шумор мерафт.

Пас аз се соли таваллуди Ҷорҷ оилаи онҳо ба Хантинг-Крик, ба замини назди соҳили дарёи Потомак кӯчид. Соли 1738 аҳли оила ба Ферри-Фарм, панҷоҳ километр ҷанубтар, омад.