Иванович аз ин ҳол воқиф гашт. Вале ҳеҷ касу ҳеҷ чиз дигар қудрати ошиқро боздоштани надошт. Пас аз як моҳ онҳо бо ҳам баргаштанд. Зиндагии Менделеев куллӣ тағйир ёфт. Анна Ивановна зани басо меҳрубону дилсӯз буд. Дар оилаи нав аввал духтарча ва пас аз соле писараке ба дунё омаданд. Вале ин хурсандиҳо ва мушкилиҳои зиндагӣ ӯро аз илм дур карда натавонистанд.

Дмитрий Иванович то нафаси охирин баҳри пешрафти илм заҳмат кашид ва субҳи 20 январи соли 1907 дилаш аз тапиш монд.

Соли 1955 олимони амрикоӣ бо сарварии Г.Сиборг эле-менти кимиёвиеро таҳти рақами 101 кашф карда, ба он ба нишони эҳтиром ба олими барҷастаи рус «менделеевий» ном гузоштанд.

Алберт Эйнштейн
(Солҳои зиндагиаш 1879-1955)

Эйнштейн поягузори назарияи умумии нисбият буда, муаллифи асарҳои бунёдӣ оид ба назарияи квантии рӯшноӣ мебошад. Он чизе, ки дар илм Эйнштейн кашф намуд ва саҳм гирифт, дар воқеъ бемуҳобот инқилоби илмӣ буд, аз ин рӯ физикдонҳо каме дарк сохтанд, ки назарияи махсуси нисбият ин кашфиёти оламшумулест. Дар байни онҳое, ки ин