муаллим дар дилҳои мардумон аст ва афзали мавҷудоти заминӣ мардум аст ва ашрафи аҷзои ӯ дил? Ва муаллим машғул аст бад-он чӣ дилҳо [ро] мукаммалу муҷалло ва мутаҳҳару мусаффо гардонад ва ба дараҷаи қурби ҳазрати Борӣ - субҳонаҳу ва таъоло - расонад.

Пас, таълими илм аз як ваҷҳ, бандагии Ҳаққ - субҳонаҳу ва таъоло - аст ва аз ваҷҳи дигар [хилофати] вай. Ва ин хилофат бузургтарин хилофатест, чӣ Ҳаққ - субҳонаҳу ва таъоло ва тақаддас - илмро, ки аҳасси сифоти вай аст, бар дили олим кушода гардонидааст. Пас ӯ чун хозинест [25] мар нафистарин хизонаро ва маъазҳолик иҷозат ёфтааст, ки аз он хизона базл кунад ва мӯҳтоҷонро бад-он мустазҳар гардонад. Пас, кадом мартаба аз ин рафеътар ва кадом манзалат аз ин олитар, ки бандае восита шавад миёни Холиқ ва халқ, то эшонро ба Холиқ наздик мегардонад ва ба биҳишти ҷовид мерасонад?