ЭЛОМИҲО

Эломиҳо – сокинони давлати қадимии Элом дар қисмати ғарбии Эронзамин буданд, ки тақрибан 5300 сол пеш падид омада, то замони зуҳури Ҳахоманишиҳо вуҷуд доштанд. Пойтахташон шаҳри Шуш буда, дар кишоварзӣ, косибӣ, ҳунармандӣ ва шаҳрсозӣ ба дастовардҳои арзанда ноил гардиданд.
Давлати Элом дар тӯли беш аз 2 ҳазор соли мавҷудияташ (2850–639 то милод) бо тамаддунҳои шумерӣ, ошурӣ ва бобилии Байнаннаҳрайн гоҳе рақобат ва гоҳе робитаи сулҳомез доштааст. Қаламрави давлати Элом дар аҳди шукуфоиаш аз халиҷи Форс то марзҳои Экбатана (Ҳамадон) тӯл мекашид. Эломиҳо ҳамчунин бо тамаддуни ҳавзаи Чайҳуну Сайҳун, ки пойгоҳи ташаккулу густариши тамаддуни ориёӣ ва ниёгони тоҷикон ба шумор мерафт, робитаи ногусастании фарҳангӣ доштанд.

ЭЛОМИҲО БО КАДОМ ЗАБОН ҲАРФ
МЕЗАДАНД?

Эломиҳо бо забони махсуси эломии худ ҳарф мезаданд, ки то ба ҳол ба кадом гурӯҳи забонҳо мансуб буданаш муайян нашудааст. Катибаҳои боқимондаи шоҳи эломиҳо – Иншушинак бо хати меҳӣ дар рӯи девори қасри шоҳии Шуш боқӣ мондаанд, ки ба замонҳои баъдии ин давлат дахл доранд. Дар ин давра забони дравидӣ ин ҷо маъмул буд.

Хати меҳии эломӣ.

Харобаҳои наздикии Шуш.