«АСРОРИ НАВО?»
(Тақлид ба як барномаи радио)

Инак, шунавандагони мӯҳтарам, рӯи мавҷи 104,07 FM барномаи дӯстдоштаи шумо «Асрори наво»-ро пешкаштатон мегардонем. Телефонро хотиррасон мекунам: 900-32-89.

Мо ҳайати эҷодӣ ҷамъи ҳамкоронамон дар ҳайати муаллиф, муҳаррир ва баранда Клухаки Сафолӣ, коргардон Нозир Фидой ва муназзими овоз Шаҳло Ҳотамӣ.

Хуб, шунавандаи аввалини мо дар хатти алоқа қарор дорад:

— Алло, алло, мо шуморо гӯш мекунем, баландтар гап занед! Не, ин қадар баландии бад не-да!.

Боз микрофонро накафонед!

Хуб худро муаррифӣ намоед.

— Номи ман Лола, аз деҳаи Лолазор.

— Хӯб шумо дар байни лолаҳо таваллуд шудаед, ки номатонро Лола ниҳодаанд?...

— Алло, алло, чӣ хомӯш шудед?

Хуб ба чӣ кор машғулед?

— Ба кори хона...

— Хӯб, шӯ доред?

— Чӣ-й-й?!!

— Ман мегӯям, ки шавҳар доред?

— Ӯй, тиррончак, ба шавҳар доштағани ман чӣ кор доред? ЯК шавҳар дорам, ки агар ба дасташ афтӣ... Садои гуд-гуди гӯшаки телефон идома ёфт. Афсӯс як шунавандаро аз даст додем!

— Боз дар хатти алоқа шунавандаи дигар:

— Алло, алло? Хӯб худро шинос намоед. Садоятон хир-хир мекунад, баландгӯякро дуртар гиред. Номатон?

— Номам Клухак Сафолӣ аз деҳаи Лолазор.

— Э-э чихел нағз ҳамном будаем, имрӯз ҳама аз деҳаи Лолазор занг зада истодаанд. Тарафи рост меравед, ё ба тарафи чап?

— Ба тарафи чап.

— Хӯб рақами токро интихоб мекунед ё ҷуфтро?

— Рақами токро.

— Хӯб кадом рақамро интихоб мекунед?

— Рақами 5-ро.