ба умеди онем, ки шояд дар солҳои наздик беморони мо соҳиби беморхонаи нав гарданд, ки дорои ҳама шароитҳо бошанд.

Баранда: Ба ақидаи профессор М. Ғуломов саломатӣ ва рӯҳи тозаи инсон дар мадди аввал бояд истад. Чунин диспансеру табобатгоҳҳо дар шаҳру ноҳияи Кӯлобу Ленинобод, Панҷакенту Ӯротеппа, Тавилдараю Исфара ва амсоли инҳо амал мекунанд. Кори хуби касалхонаи шаҳри Хуҷандро далел овардан ҷоиз аст.

Илова: Бо ҳамин мақсад соли 1960 бо роҳбарии М. Ғуломов ба Вилояти Кӯҳистони Бадахшон экспедитсияи мутахассисони касалиҳои рӯҳӣ ташкил карда шуд ва худи ҳамон сол дар ин вилоят барои 120 кат диспансери касалиҳои асаб ва рӯҳӣ кушода шуд.

Дар ин бора ба нақли муовини сардухтури ҳамин касалхона Тӯрабек Куралбоев чунин мегӯяд:

Синхрони Куролбоев: Бо ташаббуси Профессор Минҳоҷ Ғуломов хизмати тиббии соҳаи психиатрӣ дар ҷумҳурии мо ниҳоят ривоҷ ёфт ва хуб ба роҳ монда шуд. Бо азму талоши ӯ дар вилояти мо ҳам чунин беморхона кушода шуд. Мо аз Минҳоҷ Ғуломов ниҳоят миннатдорем.

Баранда: Чнде қабл бо ташаббуси профессор М. Ғуломов дар вилояти Ленинобод барои бачаҳо ва дар Зафаробод баҳри калонсолон диспансерҳои касалиҳои рӯҳӣ кушода шудаанд. Ҳамаи ин табобатгоҳҳо бо кадрҳои баландихтисос ва таҷҳизоти замонавӣ таъмин карда шудаанд.

Баранда: Шаҳри Кӯргонтеппа... Аҷаб шаҳри зебо ва пурфайзу баракате аст! Бар асари ҷангҳои хонумонсӯзу бародаркуш як қисми ин манотиқи пурфайзу баракат аз таркиши тиру туфанг валангор шуда, ба як вайронае шабоҳат дорад. Дар ин задухӯрди бемақсад, бисёр падару модарон аз ҷигарбандони худ абадӣ ҷудо шудаанд, тифлакон бепадар, арӯсон бешавҳар мондаанд. Ҳамаи ин ғаму андӯҳи мардуми ҷабрдидаи ин маҳал табиби ғамхору меҳрубон М. Ғуломовро бетараф нагузоштааст.

Синхрони Ғуломов бо сокинони шаҳр: Мо кӯшиш мекунем, ки рӯзҳои наздик дар шаҳри шумо касалхонаи табобатӣ кушода, ба муолиҷаи беморон шурӯъ намоем!

Баранда: - Дарди халқ - дарди духтур аст, - мегӯяд профессор Минҳоҷ Ғуломов. Бале, шахсе, ки ҳамеша бо шодӣ