ФАРҚЕ НАБУДАСТ...

Рӯзе,
Дар Панҷоби дилписанд,
Дар як шаҳри хурд,
Пас аз тамошои музей
Мулк Раҷ Ананд
Моро ба мактабе бурд.

... Ҳангоми суҳбат,
Бо ҳурмат
Мактаббачаяке
Аз ҷояш ҷунбид,
Истода андаке,
Пурсид:
— Дар мактабҳои шумо
Ҳарфи аввали алифбо
Кадом аст, гӯед?
Чун гуфтам «А»,
Дилшод гардид.

Пурсид дубора,
Рост карда қоматашро:
— Дар шумо
Агар дуро гиранд ду бор,
Мешавад чанд?
Чун гуфтам «чаҳор»,
Гардид хурсанд.