МАКТАБУ МУАЛЛИМ

Сар мешавад ба олам
Роҳи дарози матлаб
Аз ҳикмати муаллим,
Аз остони мактаб.

Бе мактабу муаллим
Дунё макони тор аст,
Бо мактабу муаллим
Одам бузургвор аст.

КИТОБ

Кас мерасад ба мақсад,
Китоб агар бихонад.
Оқилу доно шавад,
Ҳама чизро бидонад.

Агар кушояд китоб,
Дарҳо шавад кушода.
Хонаду кам бихобад,
Илмаш шавад зиёда.

Ҳамсуҳбати хуби хуб
Барои мо китоб аст.
Равшангари дилу ҷон
Монанди офтоб аст!