Оид ба фаъолияти камназири сулҳофаринии Президенти Ҷумҳурии Тоҷикистон Эмомалӣ Раҳмон тааллуқ дорад.

Китоби «ЗооПарк»-ро соли 2017 дар номинатсияи «Беҳтарин асари насрӣ» «Китоби сол» эълон намудаанд. Барандаи ҷоизаҳои Иттифоқи журналистони Тоҷикистон ба номи Абулқосим Лоҳутӣ, Ассотсиатсияи публитсистони Тоҷикистон. Ба ордени «Шараф» дараҷаи II, ордени «Дили Данко» (Россия), медали ҷашнии «20-солагии Истиқлолияти давлатии Ҷумҳурии Қазоқистон», медали тиллоии Донишгоҳи Байналхалқии Таълими Бунёдӣ (2014, Санкт-Петербург) сарфароз шудааст.

ПИСАРАКЕ, КИ ПИСТА МЕФУРӮШАД

Кулбаи кулӯчинашон дар қуллаи кӯҳтеппа воқеъ буд. Писарак ҳар рӯз тӯли ним соат, осон, сабук, рӯ-рӯйи, пайроҳаи падараш, зеро ба ҷуз оилаи онҳо болои қулла каси дигаре намезист, поин меомад. Даме, ки офтоб комилан гум мешуду атрофро торикӣ паҳш менамуд, ӯ кӯлворашро пуштора карда, агар холӣ бошад, сурудхонон ҷониби манзилашон ва гоҳе, ки рӯзаш бебарор мешуд, сарҳаму ғамгинро мепаймуд. Роҳи даврони бачагиашро баҳору тобистону аввали тирамоҳ пойлуч ва мавсими боқимонда мӯзаи куҳнаи шаху дурушти падарашро пӯшида мегашт.

Қади роҳи калони мумфарш, ки зуд-зуд мо-