ДУХТАРАКИ БОЗИНГАР

• Ин духтар парӣ бошад?
  Ё кабқи дарӣ бошад?
• Не, не.
• Як пораи моҳ аст ин?
  Чароғаки роҳ аст ин?
• Не, не.
• Товуси Боғи Тилост?
  Ё аз Боғи Дилкушост?
• Не, не...
• Рӯи саҳна шуд давон.
  Оҳуяки Мӯлиён?
• Не, не.
• Гулмоҳии Варзоб аст?
  Шамолаки Яғноб аст?
• Не, не.
• Маликаи хубон аст,
  Аз деҳи Зарафшон аст?
• Не, не.
• Дилҳоро бурд ба як бор,
  Ин бозингар аз Ҳисор?
• Не, не.
• Нозу адояш ширин,
  Як шохаи набот ин?
• Не, не.
• Пас гӯед ин духтар кист?
  Духтари бозингар кист?
• Номи духтар Фаттона
  Аз деҳи Кафтархона.