ХОРПУШТ ВА САНҶОБ

Дар пушт халтаи дон
Хорпуштаке буд равон.
Санҷобаке ӯро дид,
Шодон ба сӯяш давид.
Гуфто: - Рафтем, ҷӯраҷон,
Назди рӯди Зарафшон.
Ғелида дар офтоб,
Худро диҳем обутоб.
Гуфт хорпушти пурзаҳмат:

• Ку вақти истироҳат?
  Чанде дар тан хорам ҳаст,
  Ҳамон қадар корам ҳаст.
  Ханда заду гуфт Санҷоб:
• Кор доштай беҳисоб.
  Хорпуштаки меҳрубон,
  Бирав, зи корат намон.
  Чӣ хуб, ки ман Санҷобам,
  Гаҳ бозиву гаҳ хобам.
  На дар пуштам хор дорам,
  На тоқати кор дорам!