Ҳамчунин, санҷиши байнифаннии дониши хонандагон, донистани малака, иштирок ба дарсҳои ҳаммавзўъ дар ин равиш роҳандозӣ мешаванд.
Иштироки фаъолонаи хонандагон низ дар ин замина муҳим буда, омўзгорони таҷрибадор фаъолиятҳои ҷўяндагии шогирдонро ба роҳ мемонанд. Хонандагони шавқманд ва боистеъдоде, ки мехоҳанд касби ояндаи худро интихоб кунанд, ба ҷустуҷў ҳидоят карда мешаванд. Ба онҳо доир ба ҳамгироии фанҳо ва моҳияти он супоришҳо дода мешавад.
Алоқамандии фанҳои таълимӣ дониши хонандагонро аз ҳама фанҳо амиқ сохта, мустақилият ва ҷаҳоншиносии ононро афзоиш медиҳад.
Супориш 1. Дар мавзўи «Алоқаи адабиёт бо таърих» мақола нависед.
2. Доир ба таърихияти романи Сотим Улуғзода «Восеъ» бо дарназардошти алоқаҳои байни фаннии адабиёт осори шифоҳӣ, таърих ва этнография нишасти мубоҳисавӣ гузаронед.
3. Номгўи осори бадеии адабиёти тоҷикро тартиб диҳед, ки имкони дар дарсҳои таърих истифода кардан дорад.
4. Доир ба мавзўи «Тасвири табиат дар шеъри Рўдакӣ» эссе нависед.