Шартҳои ҳатмӣ зарурати тадбирҳои мушаххасро, ки ба такмили ташкили меҳнат, баланд бардоштани ҳифзи меҳнат ва ғайра равона карда шудаанд, пешбинӣ мекунанд. Онҳо метавонанд дуҷониба бошанд, дар ҳолате ки таъмини онҳо ба тарафҳои шартномаи коллективӣ вогузор карда шудааст ва яктарафа, ки тавассути татбиқи чораҳои дахлдор аз ҷониби яке аз тарафҳо таъмин карда мешавад.

Шартҳои танзимкунанда қоидаҳои танзими шуғл ва муносибатҳои мустақими кормандон мебошанд. Онҳоро тарафҳо бо мувофиқаи худ пешбинӣ менамоянд ва ба монанди дигар қоидаҳо дар давраи шартномаи коллективӣ амал мекунанд. Онҳо наметавонанд сатҳи ҳуқуқ ва кафолатҳои меҳнатии муқаррарнамудаи қонунгузории меҳнатиро коҳиш диҳанд.

Шартҳои иттилоотӣ муқаррароти шартномаҳои коллективӣ мебошанд, ки кормандони ин корфарморо бо муқаррароти қонунгузории меҳнат шинос мекунанд. Муҳимтаринаш дар байни инҳо иттилоъ дар бораи хусусияти шароити кории кормандон мебошад.

Як қатор моддаҳои КМ ҶТ муқаррар намудани иловапулиҳо ва дигар кафолатҳоро ба шартномаи коллективӣ ҳавола менамоянд.

Тартиби таҳияи шартномаи коллективӣ ва бастани он аз ҷониби тарафҳо мутобиқи КМ ҶТ ва дигар қонунҳо муайян карда мешавад. Таҳияи шартномаи коллективӣ дар ҷараёни гуфтушунидҳои коллективӣ аз ҷониби комиссияе, ки аз ҳисоби намояндагони кормандон ва