дур нест, ки шаҳри авлодони Рӯдакию Ҳофиз, Саъдию Ҷомӣ, Айнию Турсунзода, Лоҳутию Бобоҷон Ғафуров дар арсаи байналмилалӣ ҷои намоёнро мегирад.

Наврӯз - иди суннатии ниёгони мост! Ҳар сол таҷлили ин иди суннатии аҷдодӣ бо омодагии ҳамаҷиҳата ва файзу баракати хоса таҷлил гирифта мешавад. Дар рӯзҳои наврӯзӣ шаҳри Душанбе - ҳусну латофати дилрабое дорад! Дар ин рӯзҳо сокинони он ба ҷойҳои зеботарини шаҳр ва гирду атрофи он, бо чеҳраи кушоду лабони пурханда ба сайру гашт мебароянд, маҳсули ҳунарҳои волои хешро ба маърази тамошо мегузоранд. Шаҳрвандону меҳмонони пойтахт аз ин намоишгоҳҳо баҳрабардорӣ мекунанд.

Пойтахти давлати тоҷикон - шаҳри Душанбе ҳар сол зеботар мешавад.

Дар шаҳр ба истиқболи таҷлили ҳар як ҷашни фархунда ҳамаҷониба омодагӣ мебинанд! Ҳашамат ва зебогии шаҳри Душанбе дили ҳар як бинандаро ба ваҷд меоварад! Аз ин рӯ ҳар як сокинаш ин шаҳр, пойтахти Ватани худро ба ҷонаш баробар дӯст медорад! Ояндаи шаҳри Душанбе дурахшон аст!

Аҷаб шаҳри дилорой, Душанбе,
Хаёлам, зеби дунёӣ, Душанбе.

Соли 1999